Remy Joss NKira Henry B i Tyzik “Ziko” Lispier

186
E tambe ta forma parti di “VIBEZ” ku ta hasi nan debut dia 7 di yüni awor den Club Sugar.

WILLEMSTAD,—-Di informashon ku a drenta na  mesa di redakshon di ‘E Mulina’, ta bisa ku e front di e entertainment band nobo ku ta karga di nomber “VIBEZ”, ta keda forma pa e kantante nan Remy Joss, NKira,Henry B i Tyzik “Ziko” Lispier.

T’asina ku djabièrnè 7 di yüni e formashon musikal ariba menshoná ta hasi nan debut den Club Sugar. Mester bisa ku Club Sugar ta e kan ofisial di e entertainment band “VIBEZ’. Mas informashon ku nos ta disponé di dje ta bisa ku “Henry B” ta keda forma parti normal di agrupashon musikal “GENTZ TYRE’CHIC”.

Nos tin informashon ku “VIBEZ” ta toka riba tur djabièrnè den Club Sugar i nan ta kaba 11 or, pues kada músiko i kantante por sigui move normal ku otro organisashon musikal. Mester bisa ku e front ariba menshoná ta unu hopi fuerte, paso kada un di e kantante nan aki por kantante den diferente género musikal.