Ronald Koeman a anunsiá e preselekshon pa Nations League

86
Ronald Koeman a anunsiá su pre selekshon pa Nations League.
HULANDA – E entrenadó prinsipal di e selekshon di futbòl di Hulanda, Ronald Koeman, ayera a anunsiá su pre selekshon. Un lista sin muchu sorpresa, Koeman a presentá su 28 nòmbernan ku mira riba e final di e torneo di Nations League na yüni próksimo aya na Portugal.

Hulanda su promé kompromiso na Portugal lo ta dia 6 di yüni ora ku e lo mester enfrentá e e selekshon di Inglatera, buskando asina un puesto den e final di e Nations League. Ku un viktoria pa e selekshon hulandes, esaki lo nifiká ku e ekipo dirigí pa Koeman lo mester enfrentá e ganadó di e enkuentro semi final ku lo bai entre e selekshon di Portugal i esun di Suisa.

Únikamente Daryl Janmaat i Ruud Vormer no ta forma parti di e pre selekshon kompará ku esun ku Koeman a forma pa e weganan bálido pa klasifikashon di e kampionato oropeo kontra Belorusia i Alemania. Wout Weghorst ta bolbe bèk den e pre selekshon. E delantero di VfL Wolfsburg no tabata parti di e pre selekshon anterior. Kenny Tete, kende den e enkuentro di Belorusia a leshon despues di a kaba di drenta wega tambe ta forma parti di e pre selekshon hulandes.
Finalmente ta 23 hungadó lo mester bai e buèlta final di e Nations League na Portugal.

E pre selekshon ta konsisti di:

Den Gol: Marco Bizot (AZ), Jasper Cillessen (Barcelona), Kenneth Vermeer (Feyenoord) i Jeroen Zoet (PSV).

Den Defensa: Patrick van Aanholt (Crystal Palace), Nathan Aké (AFC Bournemouth), Daley Blind (Ajax), Virgil van Dijk (Liverpool), Denzel Dumfries (PSV), Terence Kongolo (Huddersfield Town), Matthijs de Ligt (Ajax), Kenny Tete (Olympique Lyon) i Stefan de Vrij (Internazionale).

Den Medio Kampo: Donny van de Beek (Ajax), Frenkie de Jong (Ajax), Davy Pröpper (Brighton & Hove Albion), Marten de Roon (Atalanta Bergamo), Pablo Rosario (PSV), Kevin Strootman (Olympique Marseille), Tonny Vilhena (Feyenoord) i Georginio Wijnaldum (Liverpool).

Den Atake: Ryan Babel (Fulham), Steven Berghuis (Feyenoord), Steven Bergwijn (PSV), Memphis Depay (Olympique Lyon), Luuk de Jong (PSV), Quincy Promes (Sevilla) i Wout Weghorst (VfL Wolfsburg).