Yu di Ruud Gullit ta firma su promé kontrakt profeshonal

43
Maxim Gullit ta firma su promé kontrakt profeshonal ku AZ.
ALKMAAR – E promé pasonan den e futbòl profeshonal a keda di dal. Maxim Gullit, yu di e eks futbolista  Ruud Gullit, ayera a firma su promé kontrakt komo futbolista profeshonal. E ekipo di AZ ta atkirí su servisionan pa un periodo di 3 aña, kual ta nifiká ku e lo ta ku e ekipo di AZ te ku 2022.

“Ta un momentu hopi speshal p’ami”, asina e hóben Maxim Gullit di 17 aña a komentá. “Awor mi ke bai traha muchu mas duru pa mi por hunga den e stadion prinsipal. Tur kos ta kanando di un forma hopi lihé  den AZ. Mi no por tabata ke algu mas mihó ku esaki. Mi meta prinsipal ta pa kombertí mi mes den un piesa klave pa e ekipo di Jong AZ.”

Ruud Gullit tambe tabatin su komentario relashoná ku e promé kontrakt di su yu. “Mi ta sumamente orguyoso i algu emoshoná. Mi no a spera ku e 1kosnan lo a kana dje lihé aki.” Ku esei e la referí na e debut den futbòl profeshonal durante un wega di kampion di FC Twente i su promé kontrakt.