“Awó bo tin ku bai” di DjuDju-V a klòk 1 million views

256
Su piesa “Awó bo tin ku bai” a alkansá 1 million views riba e plataforma di YuoTube.

WILLEMSTAD,—-No tin nada mas dushi ta ora ku bo mira ku bo kreashon ta skor hopi haltu riba kualke plataforma ku tin riba e sistema di Internet. T’asina ku e popular kantante DjuDju-V su piesa ku e la graba aña pasa ku agrupashon musikal GENTZ TRE’CHIC “Awó bo tin ku bai”, a klòk 1 million views riba YouTube.

Esaki sin duda ta un super bon notisia ku e kantante DjuDju-V a risibí for di siman pasa. Na e momentu nan aki DjuDju-V ta forma parti di agrupashon musikal ICONS, i nos tin informashon ku e ta den studio di grabashon pa ku un piesa nobo.

‘E Mulina’, tin ku bisa ku den pasado tin algun kantante yu di Kòrsou prinsipalmente den genero di Ritmo Kombiná ku a alkansá riba 1 million views riba e plataforma di YuoTube, pero nan no ta hopi si, ta djis algun. ‘E Mulina’, sigur ta manda un pabien grandi pa e kantante DjuDju-V pa ku e logro en kuestion.