Doño ta lanta mainta haña su vehíkulo pone riba blòki sin niun tayer

Den kaya Ma Pieternella

273
Willemstad— Polis mester a bai na un kas den Kaya Ma Pieternella  pa un kaso di ladronisia.

Ayera den oranan di mainta na momento ku habitantenan di un kas den Kaya Ma Pieternella a spièrta i a bai tira un bista riba nan vehíkulo nan a bin haña esaki pone riba blòki sin su kuater tayernan. Den oranan di mardugá ladron a drenta den e kura di kas unda nan a tuma nan tempu pa djèk e vehíkulo pone riba blòki pa asina por a saka tur kuater tayernan bai kuné. Doño di e vehíkulo a pidi asistensia polisial na su kas pa asina por a hasi investigashon i tambe entrega un denunsia.