Famia nan di atrakadó a rekonsiliá ku víktimanan i pidi sòri

375
Akusado di fam Silverio.
WILLEMSTAD,— Despues ku wes a dikta sentensia den un kaso di atrako unda un duo mester atraká 2 dama, famia nan di e akusadonan a bai rekonsiliá ku famia di e víktima nan i tambe pidi nan sòri den sala di korte. Algu ku sigur no sa pasa tur dia den tipo di kasonan manera esaki.

Por a nota ku den sala di korte famia di e sospechosonan den kaso atrako ku a tuma lugá 6 febrüari na Daniel a bai rekonsiliá ku otro. Esaki despues ku wes a dikta sentensia i e víktima a bisa di ta haña e hopi duel e, esta e echo ku nan mester mira 2 hóben yòn asina ta skucha sentensia pa kaso atrako. Segun e víktima nan ku nan sa ku esaki ta duru pa e famia nan tambe i ta spera e akusadonan reflehá riba e echo aki den nan kastigu, pa ora nan Sali nan no bolbe kometé e aktonan aki.

Na final di e kaso por a mira kon famia di e akusadonan  a pidi sòri na e víktima nan, kual ta algu ku no kasi no sa pasa mes den kaso nan manera esaki.