Fiskal ta haña ku  frei menor di atrakadó tambe ta víktima di su aktonan

317
Segun fiskal ku menor tambe ta víktima di Soerka.
WILLEMSTAD,—- Fiskal mr. Hato-Willems durante su rekisitorio a trese dilanti ku dama ku tabata menor durante atrakonan di su frei, tambe ta víktima di su aktonan mirando e situashon ku e damita tabata aden.

Fiskal a trese dilanti den un kaso di atrako ku na momentu ku un e damita T.I. tabata menor di edat e tabatin un relashon ku e sospechoso di fam Soerka, unda a bin haña algun pertenensia di e víktima nan kaminda nan 2 tabata biba. E damita menor i e sospechoso tabata biba den un kasita den kurá unda mayor di e damita T.I. ta biba.

Segun Ministerio Públiko ku e menor mester di yudansa i mirando ku su tata a muri temporada e tabata hopi chikí, ta pone ku e tambe ta víktima di e aktonan di e sospechoso. Esaki mirando ku segun OM e sospechoso ta pone e damita ku entre tantu a hasi 18 aña, warda kos hòrtá i ku ta poné haña problema ku hustisia.

El a bisa ku T.I. mester di un guia i ku e mester keda leu for di e sospechoso Soerka, ku ta esun ku ta mal influensi’é.