Furgell Wijngaarden a pasa pa agrupashon musikal GIO

249
E no a ni kue nos telefon ayera.

WILLEMSTAD,—-‘E Mulina’, tin 100% garantia ku lo bai tin masha hopi ningamentu rondó di e artíkulo aki. Pero manera ku semper nos dicho ta bisa “Tempu ta e mihó maestro”. T’asina ku ya pa algun dia kaba nos a haña informashon rondó di un kantante ku ta bai pasa forma parti di un otro banda.

Pero tabata djadumingu tras di lomba ku ‘E Mulina’, a yega muchu mas serka di e informashon en kuestion. T’asina ku nos tin informashon ku e kantante Furgell Wijngaarden ku tabata forma parti di agrupashon musikal “ONE”, i awor ta bai pasa forma parti di GIO.

‘E Mulina’, a drenta den kontakto na promé lugá ku Gibi Doran i manera ku e la kue su telefon, nos a bisé di e informashon ku nos ta disponé di dje,t’asina ku Gibi a kuminsá hari i bisa nos ku ‘Nos ta kansa hende’, i e la sera su telefon. Mas despues nos a drenta den kontakto ku e kantante mes, esta Furgell Wijngaarden,e último aki no a ni kue nos telefon. Pero ‘E Mulina’, ta bolbe bisa ku nos lema ta “Tempu ta e maestro” ta para sentral den e moveshon aki.