Griezmann a anunsiá ku e lo no keda Atleti mas despues di aktual temporada

137
Fot griezmann: E kampeon di Mundu, Antoine Griezmann, a anunsiá djamars ku e lo bai sigui mas Atlético Madrid despues di aktual temporada. E delantero franses e wikènt próksimo lo bai hunga su último partido ku ekipo di Atletico Madrid.
MADRID,  – E futuro di Antoine Griezmann ya no lo no bai ta banda di Atlético Madrid mas. E delantero franses a komuniká djamars na e organisashon ku na final dje temporada e no ta sigui mas ku ekipo dirigí pa “ Cholo” Simeone.

Den un  reunion ku e la mantené ku Miguel Ángel Gil Marín ku ta konsehero delegado dje ekipo rojiblanco, e mister, Diego Pablo SimeoneAndrea Berta  ku ta direktor deportivo, e hungadó a mustra su boluntat di kambia airu pa loke ta e próksimo temporada.

Griezmann no a desvelá su futuro aunke tur kos ta indiká ku e tin hopi chèns di pasá pa ekipo di   FC Barcelona, porsierto ku ta un ekipo ku a pusha duru pa trata di kontrat’é e temporada pasá,  i na unda e la bisa “no” atraves di un dokumental titulá “La Decisión” ( E Desishon).

Den pasado ya e la rechasá un oferta lukrativo di FC Barcelona.

Griezmann algun pasá  a duna di konosé ku e la rechasá un oferta Futbòl Club Barcelona den zomer di 2018  pa no keda den e sombra dje argentino Leo Messi.

Puntra den un  entrevista na e “Canal Plus Fransia” si su desishon pa no pasá pa Barcelona a keda influensha pa presensiá di  Messi pa no ta di dos hòmber su tras manera a pasá pa Neymar i otro delanteronan ku a yega Barcelona, e franses a respondé “ Esaki por ta e kaso”.

E hungadó di Atlético Madrid a insistí ku e ekipo madrileño a hasi hopi esfuerso deportivo i ekonómiko pa e keda ku e ekipo, meskos tambe su kompañeronan di atleti  i e mister, ‘Cholo’ Simeone.

E hungadó a konfesá ku e la yega di lanta su kasa for di soño 3or mardugá pa asina diskutí riba su futuro profeshonal.

“ Mi tabatin duda kiko mi tabata kera hasi. Ma lanta mi kasa 3or mardugá pa asina nos papia di mi karera profeshonal den futbòl i ku mester  keda Atletico òf bai den un transferensia”.

Griezmann a bisa  den  dokumental “La Decisión”, ku ta 15 di yüni ku e la komuniká na Atlético ku e ta keda. E produkshon a keda produsí Kosmos Studios dje defensa di Barça Gerard Piqué, e momentu ku e tabata den un dilema entre e ekiponan  colchonero komo esun culé.

E delantero di  Atlético Madrid aktualmente tin un klóusula di  200 mion euro, pero for di 1 di yüli próksimo e lo bira 120 mion euro despues  ku e la akordá esaki den su último prolongashon di kontrakt.

Sí e la komuniká ku dia 1 di yüli e lo bandoná e klóusula pa desvinkula su mes for di su aktual ekipo.

Atlético Madrid pa evitá un otro “culebrón” problema  manera e temporada pasá, lo ta kera sa lo ántes posibel e intenshonnan di Griezmann. E hungadó di 28 aña despues di sinku temporada ku ekipo rojiblanco lo  su último partido e fin di siman próksimo.