Hòmber ku a hòrta na trabou den pasado a bisa wes ku e no ta haña trabou mas

499
Sospechoso ku a bisa wes ku no ta tum'é na trabou.
WILLEMSTAD,— Durante tratamentu di un kaso atrako a bin dilanti ku un hóben no ta hañando trabou, despues ku aña pasá el a presentá dilanti wes pa ladronisia na su propio trabou.

Ta trata aki di un kaso unda e akusado di fam Elizabeth a keda kondená na 24 luna pa atrako, unda e mester a ranka tas for di 2 dama na Daniel, esta na Banda Bou. Tabata despues ku el a mira e víktima nan ku el a baha for di outo di e kómplise di fam Silverio i bai direkshon di e víktimanan.

A bin dilanti den e kaso ku e hòmber Elizabeth lo mester a uza violensia kontra di e víktimanan pa kita nan tas, pero no tabatin niun arma den su poseshon riba e dia en kuestion. Segun fiskal ku e akusado lo mester a pusha e víktima nan ku konsekuensia ku nan a kai, kual el a sigui lastra e dama nan pa asina e por bai ku e tas.

E damanan a Sali di forma balente tras di e outo unda e akusadonan tabata i a mira nan plachi number pa duna polis. Tambe a logra wak unda nan a bai riba e dia en kuestion. E hòmber Elizabeth a bisa wes ku e no ta haña trabou i a bai buska na vários kaminda pero no a yam’é nunka mas. E la splika ku el a kansa di bai buska trabou, unda wes a trese dilanti ku ta bèrdat ku el a yega di hòrta na un di su trabounan den pasado.

Segun e akusado ku esaki ta kuadra ku realidat unda tambe a bin dilanti ku e tabata dilanti wes pa e kaso. Segun wes ku na aña 2018 el a keda kondená pa e kaso aki. Wes a trese dilanti ku esaki sigur ta un di e motibunan di kon no ta yam’é pa trabounan mirando ku tin trabou ta bai wak karchi kastigu i ora mira esaki lo no yam’é pa traha. Tabata wes mr. de Kort ku a trese esaki dilanti, unda el a bisa nan ku en bes di uza e outo pa hasi algu malu, por a uza e outo pa bai buska trabou, pero despues a bin konstatá esaki.