“Lady Su” a sera un akuerdo di trabou ku Sabor “S.O.” Original djasabra último

283
E la drenta den un akuerdo di trabou ku “S.O.”.

WILLEMSTAD,—Djasabra tras di lomba gerente di agrupashon musikal a habri negoshashon ku e popular kantante den ámbito di Kòmbèk ku ta Surelma “Lady Su”Miguel. E negoshashon a tuma lugá den Green House na St. Maria den kareda di mitar di dos di mèrdia.

Nos a komprendé ku e negoshashon entre gerente nan di agrupashon musikal Sabor Original i “Lady Su” a kana den gran forma, mas aleu nos a haña informashon i alabes konfirmashon ku e kantante ariba menshoná a drenta den un akuerdo di trabou ku e banda “S.O.” Kaminda ku e ta bai presentá komo artista invitá ku e banda i ku mes ora e ta bai drenta den studio di grabashon.

Tambe ‘E Mulina’, tin informashon ku e kompositor Nonchi Kampana ya tin “Lady Su”, su piesa kla. Esaki ta nifiká ku e agrupashon musikal Sabor “S.O.” Original ta bira mas fuerte ku nan ta ku presensia di “Lady Su” huntu ku nan. Pa loke ta trata djasabra tras di lomba “Lady Su” a puntra ‘E Mulina’, “Bon ta e kos aki so bo ta hasi pa bida, kontrolá tur loke ku ta pasa den farándula, for di ora ku mi a sali kas mi a sinti ku lo mi bai topa ku bo i esaki ta loke ku a pasa tambe, bo ta hopi peligroso serio”.

‘E Mulina’, ta deseá “Lady Su” tur klase di éksito den su reto nobo, nos ta 100% kombensí ku bo ta bai hasi un bon trabou manera ku semper bo a bin ta hasi den nos farándula lokal. Un kos ta hopi sigur i esaki ta ku ámbito di Kòmbèk ta bai bira hopi interesante, paso “Tan Ten” ta den gran forma,Classic XD mes un kos i Zudup Hopi Forsa ta mas duru ku rabu di makaku i awor S.O. ta harma bin aden mas fuerte ku nunka.