Mas investigashon riba sospechoso ku a menasá Wilders

106
sospechoso pakistaní a menasá Wilders i Tweede Kamer
DEN HAAG—Den un investigashon riba e pakistaní Juniad I. sospechá di un atentado riba politiko Wilders, lo tende diferente testigunan di eksterior.

Posiblemente lo tende testigunan di Italia i Fransia. Korte a aprobá e petishon di OM den e kaso pa tende e testigunan. E personaan di kua dos di Italia, posiblemente por bisa algu di e motibunan ku I tabatin pa biaha pa Hulanda. E sospechoso (26) a keda detené dia 28 ougùstus na stashon di trein na Den Haag. Un dia prome el a pone un video riba facebook den kua el a anunsia un atentado riba lider di PVV Geert Wilders of Tweede Kamer. Motibu ta un kompetensia di pintura di e profeta Mohammed ku Wilders a start. E sospechoso tabata rabiá i kier a defendé e profeta i kier a mustra su rabia, pero no lastimá ninguna hende, asina el a bisa den un deklarashon. E tabata rabia i vulnerable. E tin duele di loke el a hasi i kier sigui ku su bida. E no ta di akuerdo ku e ta haña trato di un terorista, e ta den prison pa teroristanan na Vught. E abogado a pidi su libertat pero korte a ninga esaki pasobra ta trata di menasa serio. Posiblemente lo trata e kaso fin di oktober na e kompleho di seguridat haltu na Schiphol.