OM kier 3,5 mion euro di agrikultor pa plantashon mariwana

61
agrikultor tin plantashon mariwana 7 aña
ZUIDLAND—Ministerio Públiko kier kasi 3,5 mion euro di Bas B (55) ku tabata kultivá mariwana riba su tereno di agrikultura.

Fin di 2017 polis a deskubrí un plantashon di mariwan den un lots riba su tereno na Zuidland (Zuid-Holland). Segun hustisia e plantashon di mariwana tin 7 aña den operashon. OM ta basa  su mes riba entre otro kuentanan di koriente ku den 2010 a krese konsiderablemente di 8500 kilowatt pa 500.000 kilowatt. Hustisia ta kere ku a kultiva 48.000 mata, bon pa 3,5 mion euro. Ta e suma aki OM kier kobra B. Sinembargo, e sospechoso B ta ninga ku e tabatin konosementu di e plantashon. Tambe e ta bisa ku e no tin plaka mas. Pa por sobrevivi el a bende tur su produkshonnan i parti di e tereno, pero e plaka a kaba. Pasobra e abogado nobo di e sospechoso a bini ku dokumentonan finansiero nobo tokante entradanan i uso di koriente, e kaso lo kontinua despues.