Piesa nobo di Chemsz ku GIO a lanta basta stof riba e dia di ayera

138

“B’a kome lubidá”

 

WILLEMSTAD,—-Kon ku bo bòltu e agrupashon musikal GIO ta GIO. Ayera tabata e dia ku nan a pone un piesa nobo riba merkado, esaki ta keda kanta pa e kantante di mas nobo di e banda ku ta Chemsz, titulo di e piesa ta “B’a kome lubidá”, i ta trata aki di un komposishon di Gibi Doran, miéntras ku e areglo ta den man di Nato i Michael Bianchi.

Mester bisa ku ayera den ora nan di mainta e piesa nobo di GIO a kuminsá zona i mes ora esaki a lanta bastante stof den nos farándula. Ta masha hopi papiamentu mes tabatin durante di e dia di ayera,nos tin ku bisa ku e Ritmo di GIO ta keda e Ritmo ku ta dominá den nos farándula lokal.

‘E Mulina’, mester bisa ku ta hopi lihé e tim di GIO a traha riba e grabashon ariba menshoná, paso ta apénas algun dia pasa ‘E Mulina’, mes a bin ku e primisia ku Chemsz a bandoná HYPE i pasa forma parti di GIO, i mes ora nan a drenta den studio di grabashon.

Un di e frase nan ku a dal hopi duru ayera ta esun ku ta bisa “Pa falta di bon awa, mondi a bira seku, si bo no duna balor na e fundeshi, e kas ta bin abou”.Ya tin basta persona ta kue kick riba otro ku e palabra nan aki. Sigur un bon salida di Chemsz huntu ku agrupashon musikal GIO.

Su piesa nobo a dal hopi ayera den kaya