Tur kos ta indiká ku Adjatay a pasa pa “ONE”

107
Sigur “ONE” ta bira aun mas fuerte ku e kantante aki den nan front.

WILLEMSTAD,—-Ketu bai tin masha hopi moveshon ta tumando lugá den nos farándula. Di informashon ku a drenta na ‘E Mulina’, su mesa di redakshon, ta bisa ku riba e dia di ayera desishon lo a kai pa loke ta trata un kantante popular i un agrupashon musikal.

Ayera nos fuente a bisa nos ku e kantante ku den pasado tabata forma parti di Orkesta Vega Adjatay lo a pasa forma parti di agrupashon musikal “ONE”. Manera ku e informashon aki a yega serka nos mes ora nos a drenta den kontakto ku e kantante ariba menshoná, pero di un manera òf otro e no a kontesta nos yamada.

Mas aleu ‘E Mulina’, a drenta den kontakto ku nos fuente i nos a puntr’é ku si e ta na altura di e moveshon, mas ku klaro nos a bisé nòmber di e kantante i tambe di e agrupashon musikal en kuestion ku ta “ONE” i Adjatay, no a dura muchu ku nos fuente a yama nos i bisa nos ku di bèrdat di tin indikashon ku e kantante Adjatay a pasa forma parti di agrupashon musikal “ONE”.