Un Lewis Hamilton emoshoná a gradisí e hóben Harry di 5 aña

38
E hóben Harry ku ta un gran fanátiko di e piloto britániko Lewis Hamilton.
BARCELONA – Djadumingu último Lewis Hamilton a gana e kareda di Fórmula 1 na Barcelona i na final di esaki e piloto britániko di 34 aña, ku un stèm basta kibrá di emoshon, a gradisí e hóben Harry di apénas 5 aña ku ta malu i ta den un fase terminal.

“Awe mi tabata super inspirá dor di e hóben aki ku a manda un mensahe p’ami. E tabata mi angel durante di e kareda aki.’’ E mes un dia ei e piloto britániko a duna enkargo pa manda un outo di kareda i e kopa di kampion rumbo pa Inglatera, pa di e forma aki  Harry pasa su último dianan riba e mundu aki ku alegria i di e forma mas plasentero posibel.

E ekipo di Mercedes durante e kareda aki a marka historia pa loke ta e temporada aktual di Fórmula 1 konkistando e promé dos lugánan nan di e promé sinku kareda di temporada di forma konsekutivo.