Ajax ofisialmente ta kampeon di Eredivisie i ta sera un temporada históriko

31
Fot kampeon: Ajax kampeon ofisialmente di Eredivisie na Hulanda despues di ganá De Graafschap ku skor di 4-1.

AMSTERDAM,  –  Ajax a ganá djarason den su último partido na kas pa lokual ta e temporada aki ku skor di 4-1 kontra di  De Graafschap, pa asina logra e titulo hulandes den Eredivisie.

E ekipo di Amsterdam di e manera aki  ta sera un temporada históriko logrando dos kopa den su pais, miéntras ku e la yega e semifinal  di Champions League.

Un tiru liber di Lasse Schone na minüt 37  manda e plantel di Erik ten Hag dilanti,  pero De Graafschap a empatá  tres minüt  despues danki na un gol di Youssef El Jebli.

Pero nèt promé ku e partido bai deskansá , Hakim Ziyech, ta penetrá den  aria pa pasá e bala pa e  argentino Nicolás Tagliafico ku ta rematá  ku fasilidat pa hasi e partido 2-1.

Dos gol di  Dusan Tadic despues den di dos tempu di kua un di nan di pinalti a pone e skor definitivo di 4-1, porsierto ku a duna e ekipo di  Ajax  nan di  34 titulo den Eredivisie pa loke ta historia.