E YDK Danny Makkelie na VAR den final di Champions League

153
Danny Makkelie.
HULANDA—E rèfri YDK ku ta riba lista di FIFA pa Hulanda, Danny Makkelie, lo bai ta un di esnan enkargá ku e trabounan di VAR, durante di e wega final di Champions League.

Esaki riba djasabra dia 1 yüni próksimo, na momentu ku e ekiponan ingles di Liverpool i Tottenham Hotspur, mira akshon riba tereno di stadion Wanda Metropolitano na Madrid Spaña.

E YDK ta wòrdu konsiderá aktualmente un di e mihónan na mundu den VAR, kual su asignamentu, sigur tampoko no tabata un sorpresa, despues ku tambe ya e la hasi e trabou aki durante di e kampionato mundial di futbòl, ku ta tras di lomba.