Habitantenan di bario di Monteverde i Oranjestraat ta hopi fada ku e situashon di shushedat

463
Shushi den kura di un kas den bisindario di Oranjestraat.
Monteverde- Ayera despues di basta tempu ku habitantenan ta fada di e situashon aki. Aki ta trata di un situashon kaminda habitantenan ta fada di e asuntu ku bisiñanan ku no ta stima nan bario ta basha shushi den e área.

Ku esaki ta pone ku e área ta birando un landfill. Habitantenan di e área a splika nos di Vigilante ku na diferente okashon nan mester a yama i pidi pa yudansa na Selikor pa asina por limpia e área, pero nada no a keda hasi. Tambe nan mester ta kondena ku tin sierto habitantenan den e área ta paga drogadiktonan un par di florin pa nan benta e shushinan unda ku ta den e área. Ya den pasado a yega di benta shushi den kasnan bandoná den e área i a pega esakinan na kandela. E habitantenan a splika ku den e bario tin hende ku ta porko i nan no ta stima nan mes bario.

Parti ariba den e área di Monteverde mester tin un kaminda ku bo por pasa yega te na Oranjestraat, pero esaki debí na shushi ta pone ku e kaminda aki no ta eksistí mas. E habitantenan prekupá aki a aserka X-Team pa asina wak ku via di nan por logra di yega na un solushon pa ku e situashon aki. Miembro di X-Team a tuma nota di e situashon i asina a nota tur kos pa por bai traha na un solushon aserkando e demas instanshanan konserní. Mester bin un solushon mas pronto posibel pa asina limpia e área. Habitantenan no por mas i nan ta man na kabes ku e situashon aki.