Nigel Robertha ku gol den triunfo di Cambuur

92
Nigel Robertha.
HULANDA—E atakante Nigel Robertha tabatin un gol ayera den wega di su ekipo Cambuur. Esaki ora ku nan a enfrentá e ekipo di Almere City FC, den wega ku a mira akshon den stadion Yanmar.

Tabata wega di buèlta bálido pa playoffnan di promoshon pa e divishon máksimo di futbòl na Hulanda. Despues di empatá na 2 gol, den e promé wega, ayera Cambuur ta logra triunfo ku skor di 2-1 i asina eliminá e ekipo di Almere City FC i ta sigui riba e ruta, ku e speransa pa hunga próksimo temporada den Eredivisie. E promé parti di e wega di ayera, a transkurí ku e ekipo ganadó den bentaha di 2-0. Nigel Robertha a hunga durante di hinter e partido, unda e la anotá na di 16 minüt di wega, pa asina habri e markadó den e partido.