Hercules ta investigando 400 mil dòler entre ET Pensioen i Curacao Fashion Group

286
Prueba: esaki ta parti di e prueba ku tabatin un transakshon di 400 mil dòler entre e pakus i fondo di penshun di Emsley Tromp
Punda– Un kompania ku e hòmber R.L. tabata manehá, hasi un seri di transakshon finansiero. Entre nan ta konta un transakshon di 400 mil florin, den kual e fondo di penshun bou di Emsley Tromp, tabata envolví.

Manera a sali publiká algun siman kaba den Vigilante, Ministerio Publiko ta interogando R.L., kende ta un funshonario na Banko Sentral. Djaluna ultimo, a laga arestá R.L., pa siguiente dia riba djamars tene un redada den su kas. Fuentenan den seno di e kaso denominá komo “Hercules” a señalá na Vigilante ku R.L., durante 2009 a para front pa un grupo di pakus pa Emsley Tromp. Entre nan, un kompania ku yama Curacao Fashion Group. Durante investigashon den kaso Safiro, a bin deskubrí ku e entre Curacao Fashion Group i ET Pensioenen, ku ta e fondo di penshun di Emsley Tromp, tabatin transakshon finansiero. Entre nan un suma di 400 mil dòler. E pago entre e fondo di penshun i e pakus, a tuma lugá durante mesun periodo ku R.L. tabata traha na Banko Sentral i fungi komo direktor/propietario di unu di e pakusnan.

Hercules no ta nada mas sino un “kapa” pa pone R.L. papia i deklará kontra di Emsley Tromp. Investigadónan a revelá na Vigilante ku Ministerio Públiko ta eksihí pa R.L. deklará sierto kosnan, ku e no ta na altura di nan. Momento esei a tuma lugá, djaluna último a opta pa tene R.L. aden i listra den su kas.