Laboratorio grandi di droga desmantelá na Brabant

55
produkshon di miones di píldora xtc den e laboratorio
BRABANT—Polis a start ayera ku desmantelashon di un laboratorio grandi di e droga xtc na Liempde, Noord-Brabant.

E laboratorio tabata den un lots tras di un kas. For di prome investigashon a resultá ku e laboratorio tabatin un kapasidat di produkshon di miones di píldora xtc. A detené 4 sospechoso. E detenidonan ta un dama i un hòmber di Liempde di 54 ku 60 aña i dos hòmber di 29, 30 di Weert. Ta investigando kuantu tempu e laboratorio tabata operashonal. E desmantelashon a start ayera mainta. Ta trata di un lokashon kaminda tabata prosesá material pa xtc. Por a traha miones di pildora. Landelijke Faciliteit Ondersteuning Ontmantelen (LFO) a yega na e sitio pa kordiná e desmantelashon huntu ku otro servisionan i Team Ondermijning di polis. Tabatin 10 polis presente. Lo investigá tur material.