Luka Jovic ta pasá pa Real Madrid akambio di 60 mion euro

45
Fot luka: E delantero serbio, Luka Jovic, ya ta hungadó nobo di Real Madrid despues di un transferensia di 60 mion euro for di Fortuna Düsseldorf.
 

MADRID,  – E delantero serbio, Luka Jovic,  ya ta hungadó nobo di  Real Madrid despues ku ekipo último aki a yega na un akuerdo ku  Eintracht Fránkfurt pa un kantidat di 60 mion euro, esaki ta loke a keda informá pa Sky di Alemania.

Di e forma aki Jovic ta kombertí den e di dos atkisishon pa e mister  Zinedine Zidane ku bista riba e próksimo temporada, porsierto despues dje kontratashon di e sentral brasileño, Éder Militao,  prosedente di Oporto.

Jovic a destaká  komo goliadó den e temporada tras di lomba durante su trayektoria den ekipo di  Eintracht di Fránkfurt, na unda e la skor un total di 27 gol den 47 partido.

Tabatin ekiponan grandi di Europa ku tabata siguié di aserka,  sigur for di 19 di òktober na unda e la skor sinku gol kontra den un partido kontra di  Fortuna Düsseldorf  den e di ocho hornada den Bundesliga.

 

Vigilante 13 aprel

Aparte di Manchester City otro ekipo ku ta interesá den e delantero ta Real Madrid, i ta mira e yegada di Jovic ku masha bon wowo.

Den bista di e potente ekipo spañó e kualidat di preis pa e Serbio Internashonal ta masha bon mes, pero promé ku kuminsá negoshá ku e hungadó e mister franses, Zinedine Zidane, mester duna su “oké” promé.  

Nos apuntá algun dia atras ku  dor ku e agente dje atakante di Eintracht Frankfurt ta negoshando ku vários ekipo, e klóusula di transferensia di 60 mion euro ku Jovic tin aktualmente lo por subi basta mastantu.  Barça algun siman atras  kera pone preshon riba Jovic i e hendenan rondó di dje pa nan tuma un desishon, ya ku tin vários otro ekipo ku tin interes den su servisionan i 60 mion di euro dje klóusula lo por subi.

E serbio a kombertí su mes den e prioridat dje ekipo Catalan despues di su gran  temporada apesar ku ekipo tòg ta disponé un lista largu di alternativanan, porsierto entre kua tin e  valencianista Rodrigo.