OM ta akusá Shell di negligensia i pidi but mionario

50
OM ta pidi but di 2,4 mion euro
MOERDIJK—Ministerio Publiko a pidi un but di 2,4 mion pa e eskploshon na Shell Moerdijk den yüni 2014.

Fiskal a bisa den korte na Den Bosch ku e kompania no a hasi sufisiente pa evita aksidentenan. E eksploshon den un reaktor kimiko a surgi di un reakshon diripente entre supstansianan. Por a sinti e trilling te na Utrecht. Dos persona a keda heridá i e daño tabata di miones. Onderzoeksraad Veiligheid a konkluí anteriormente ku Shell no tabatin sufisiente atenshon pa e risikonan. OM a pidi but tambe di 250.000 euro pa lekmentu di gas peligroso di november 2015 pa yanuari 2016. Esaki a surgi pasobra no a sera un kranchi bon. Director Zwinkels (Shell) a bisa hues ku mester a preveni e insidentenan. Nos ta hasi tur posibel i pa e motibu aki no ta di akuerdo ku e akusashonnan penal. E ksploshon a sosode di sorpresa, segun Zwinkels. Fiskal a bisa ku Shell no a duna seguridat i medio ambiente prioridat, p’esei a pidi but di mas haltu. Segun OM e proseduranan no tabata bon, no a kumpli ku nan ni kontrola ni tabata bon sinkronisa. Asina e trahadónan a skapa na wowo angua. E por a kaba fatal. Tabata suerte ku e insidente no a kaba den un tragedia segun fiskal. Hues a konstata ademas ku Shell tin un pagina penal di 12 pagina. Esaki por duna e impreshon ku no ta konsidera medio ambiente sufisiente. Shell ta refutá esaki. Korte ta duna veredikto dia 7 yüni.