Tata di Nouri tabata emoshoná: ‘E soño di mi yu sali danki na bosnan”

57
Fot nolita: Tata i ruman di Abdelhak Nouri ayera riba Museumplein ora nan risibí e schaal di kampeon for di man dje kapitan Mathijs de Ligt.

AMSTERDAM,  – Durante e selebrashon  dje titulo Ajax djaweps mèrdia e tata i ruman di  Abdelhak Nouri tabata presente di kua esaki un balor èkstra,  despues ku Ajax a logra su 34 titulo ku presisamente tabata e number ku Appi tabata hunga uza.

Mohammed i Mo Nouri tabata riba e podium huntu ku e plantel di Ajax ku tabata selebrá nan titulo. E tata di e  Ajacied a haña e “schaal” for di man dje Matthijs de Ligt, pero no por dominá su emoshon.

“Bosnan tur sa kiko e titulo aki ta”, asina De Ligt a bisa dilanti un Museumplein karga ku hende. “ E number 34 aki i e dia tin un nifikashon grandi pa nos. Nos di  Ajax lo ke otorgá na un hende i boso tur sa na ken.  Esaki ta pa Appie, nos Appie.”

De Ligt despues di esaki a entrega e “schaal” di kampeon na e tata di Nouri di kende a tuma e trofeo bou di un aplouso miéntras ku e tabata his’é na haltu. Aki e tata di Nouri a emoshoná.

“E soño di mi yu a bira realidat danki na bosnan, hopi danki. Nos ta Ajax, nos ta esunnan di mas mió”, asina e tata di dje ajacied a grita den direkshon dje miles di fanatikonan ku tabata presente na Museumplein.

Kiko a pasá Abdelhak Nouri (6 sèptèmber 2017)

Abdelhak Nouri  a sak den otro riba tereno den un partido amistoso ku e ekipo hulandes Ajax a efektuá kontra di Werder Bremen djasabra i kai den koma.

E hungadó tabatin 20 aña di orígen maroki a desvanese (sak) riba e kancha di yerba den un partido amistoso kontra di Werder Bremen. Den mesun instante e rèfri a para e partido i e servisionan médiko atendé Nouri rápidamente, miéntras tabatin un angustia riba kara dje hungadónan di ámbos ekipo.

Notisia malu a drenta djaluna mainta

E hóben hungadó di 20 a sufri un daño serebral “serio i permanente”, esei ta loke e ekipo di Ajax a bisa den un komunikado algun dia despues.

“E ekipo di Ajax tabata profundamente entristese pa e notisia di  Appie Nouri despues ku e la keda  diagnostiká ku un daño serebral serio i permanente.

“E dòkternan a mira riba scan ora nan tabata ta trata di purba lante ku algu no tabata bon. E atake tabata demasiado fuerte”, asina e ruman di Nouri a duna di konosé.

“E dòkternan ta sigur ku e asuntu aki lo no bai terminá bon. Ora e bini bei lo e no por pensa, kome, kana i asta no rekonosé hende. Gewoon e no por funshoná mas. Pero nos no ta entrega, nos ta kere ku ta Dios ta disidí tur kos”.

Den kas dje mayornan di Nouri den e bario di Amsterdam na Geuzenveld tin famianan, amigunan i tambe bisiñanan tantu rondó komo den e kas. Aparte di esakinan tambe tin Donny van de Beek i Hakim Ziyech huntu ku nan ku ta su amigunan sera.

“Esaki ta siña nos ku ta Dios ta disidí tur kos. Nos kerensia ta pone nos akseptá i ta sigui resa pa su rekuperashon. Na esei nos ta tene awor aki. Nos ta kere sowieso ku e bida akinan ta temporal i esun enterno ta bini despues, pero tur hende tabata kera mir’é hink’é algun gol promé”, asina  Abderrahim ku ta ruman dje ajaxied Abdelhak a duna di konosé.

Pero awe 16 di mei 2019 un dje deseonan di Appi a keda konkretisá, esta di bira òf sinti ku e ekipo di su amor Ajax a titulá kampeon pa di 34 biaha, presisamente e number ku e delantero tabata uza riba su kamiseta.