11 skol den e di 5 edishon di “Beach Rugby School Championships”

109
Alumnonan preparando pa e evento.
WILLEMSTAD—Riba djasabra dia 25 mei benidero, alrededor di 200 mucha, alumno di 11 diferente skol, lo ta partisipando den un torneo di rugby, den santu na playa.

Lo bira e di 5 edishon di “Beach Rugby School Championship”, kual ta wòrdu premirá di lo ta un evento eksitoso. Esaki lo tuma lugá na ‘Kokos’ na Jan Thiel. Un ke otro unda alumnonan lo hasi nan máksimo esfuerso, pa por logra e premio máksimo di e evento aki.

 

Apesar ku e deporte aki su popularidat ta kresiendo riba nos isla, mayoria di e alumnonan ku lo ta den kompetensia, lo bai tin nan promé eksperensianan den e deporte.

 

E federashon di Rugby lokal, ta tratando pa via di e torneo aki i tambe klínikanan na skolnan, logra haña mas miembro nobo. Tur esaki ku intenshon, pa via di kursonan di introdukshon entre otro, nan pasa pa un di e organisashonnan ku ta aktivo den e deporte aki riba nos isla.

 

Ta trata di lèsnan grátis, ku ta tuma lugá djaweps dia 16 i 23 mei benidero, di mitar di 7 ta ku mitar di 8 di anochi, na ‘Kokos Beach Janthiel’.

No tin duda ku e federashon, unda ya for di awó por tuma nota di esaki,  ku for di e grupo di muchanan di 8 te ku 14 aña di edat, ku tur djasabra, dia 5’or di atardi te ku mitar di 7, ta train na ‘Kokos’, lo sigui krese.

 

E evento di dia 25 próksimo, ta inisiá 10’or di mainta i ta programá pa finalisá mitar di 7 anochi. Sigur a kòrda tambe riba fanatikonan, unda lo sòru pa sufisiente kaminda pa sinta, unda ku tambe tin empleadonan di ‘Kokos’ kla, pa e servisio, unda ku entrada ta grátis.