3 persona ta fayesé na Brasil durante detenshon di avion kargá ku kokaina

56
E tres mortonan a konfrontá outoridatnan polisial i a resultá fatal pa nan.

SAO PAULO – Tres persona a pèrdè nan bida den oranan di djaweps na Brasil, durante un operashon polisial ku a resultá den detenshon di un avion ku serka di mei tòn di pasta di base di Goiás.

E avion a kue droga na Bolivia i a keda interseptá na momentu ku e tabata bai deskargá e kargamentu den un zona na sùit di e estado di Goiás, unda un grupo di persona tabata warda e droga.

Na momentu ku e agentenan a intentá di abordá e avion, e pilot a bolbe lanta i a keda fòrsá na aterisá pa Forsa Aéreo Brasilero algun minüt despues na e lokalidat di Rio Verde.

E pilot i e kopilot di e avioneta a keda detené, miéntras ku tres persona ku tabata warda e kargamentu a pèrdè nan bida den interkambio di tiru ku outoridatnan polisial na suela.

E tres víktimanan a keda trasladá pa un sentro médiko di e region, pero no a resistí i a fayesé komo konsekuensia di e heridanan sufrí.

E operashon a keda realisá di forma konhunto ku outoridatnan militarisá, outoridatnan sivil i FAB, kua a presisá ku e akshon di parti outoridatnan, ta en buska di evitá e delitunan entre frontera.

Tambe den oranan di ayera, outoridatnan federal a informá ku nan a detené, den diferente akshonnan, dies pasahero na e aeropuerto internashonal di Guarulhos, na Sao Paulo, ku un total di 50 kilo di droga den nan ekipahe.

Den un buelo ku destino pa Afrika, tres muhé, dos di nan brasilero i un venezolano, a keda detené miéntras nan tabata transportá 6 kilo di droga den diferente map i den bukinan infantil di e pelíkula Frozen.

E mayor kaso di detenshon a keda realisá ku dos muhé di 25 i 28 aña ku tabata karga 23 kilo di kokaina i tabata bai subi un buelo direkshon Portugal primeramente i despues ku e destino final, Suisa.