4 hòmber ku trabou i negoshi a bai rementá bankomátiko

632
Prins kende a skucha 30 luna kastigu.
WILLEMSTAD,— Korte a trata un kaso ayera unda 4 hòmber mester a para responsabel pa un kaso unda nan mester a trata na rementá un bankomátiko aki na Kòrsou di 11 di yanüari. Ta trata aki di 4 sospechoso ku a atmití ku nan kier a bai rementá e bankomátiko.

E hòmbernan Raheem B. di 21 aña, Christopher P. di 37 aña, Fransisco B. di 37 aña i Xiorendly J. di 27 aña tabata dilanti wes pa e kaso, unda tur a atmití e echo bisando wes ku nan ta lamentá di a trata na eksplotá e bankomátiko. E hòmber B. a trese dilanti ku nan tur 4 lo mester tabata sa di e echo pero ora a yega a a disidí ku lo no kometé esaki mas.

Br. a bisa ku el a keda aserká pa B. ku lo mester a bisé pa ehekutá e echo, unda el a bai di akuerdo. Mas aleu el a trese dilanti ku danki Dios nan no a bai kometé e echo mas, mirando kon polis a yega kuminsá tira kos por a terminá pió. P.  kende tin un negoshi huntu ku B. a bisa nan tur 4 a bai trata na kometé e echo huntu i ku no tin niun hende ku tabata na kabes di esaki.

Tambe a bin dilanti ku P.  lo mester a konvensé J. pa bai kometé e echo, unda el a bai di akuerdo. J.  mes no a papia mashá, pero si el a añadí ku el a kometé e echo, unda tambe el a bisa ku ta duel e ku el a bai trata na hasi esaki mirando ku e tabatin su trabou. Br. kende ta nasé na Jamaica ta ilegal aktualmente na nos pais i ta pendiente pa wak si lo e haña pèrmit òf lo e keda deportá.

A bin dilanti ku e hòmber P. lo mester tabata den outo i no tabata na altura di tur loke a pasa riba e dia en kuestion parti pafó di e outo. Segun fiskal ku e hòmber B. e ta esun ku a spùit e kámaranan. Riba e dia en kuestion polisnan a los tiru riba e sospechosonan ku kier a trata na hui, unda 2 di nan a haña bala. Ta trata aki di P.  i Beaumont ku a haña bala riba e dia en kuestion.

Fiskal a trese dilanti ku no ta trata aki di kualke kaso ladronisia òf intento ladronisia pero a trata na  eksplotá un bankomátiko, ku tabata bou di un bibienda ku tur e konsekuensia ku esaki por a trese kuné. El a bisa ku e ta kategorisá P i B. komo esnan na kabes, unda el a bisa di lo pidi mas kastigu pa nan. Loke sigur a hala atenshon ta e echo ku tur 4 sospechoso tin trabou pero a bai hasi esaki pa èkstra plaka. El a pidi un kastigu di 40 luna inkondishonal pa Prins mirando ku ya el a kai será den pasado, miéntras pa B.  pidi 30 luna di prizòn inkondishonal.

Pa loke ta trata e hòmber Br.  a pidi un kastigu di 25 luna inkondishonal miéntras pa J. a pidi 30 luna di kual 15 ta kondishonal ku 3 aña prueba. Wes a kastigá e sospechosonan J.  i Br. na 30 luna di prizòn di kual 15  ta kondishonal, miéntras P. i B. a keda kastigá na 36 luna di prizòn di kual 6 ta kondishonal. Tur e kastigu nan a keda kompañá ku 3 aña di prueba.