Dos prezu arestá pa arma den prizòn dilanti wes komisario

722
Tabata den Blok 8 ku a bin hana e arma di kandela skondi.
Willemstad—– Ayera e dos prezunan ku a keda arestá pa poseshon di arma di kandela den nan sel den prizon a keda presentá dilanti wes komisario.

Relashoná ku un kaso di violashon di Lei di Arma di Kandela ku a tuma lugá den Sentro di Detenshon i Korekshon Kòrsou, polis a detené dos hòmber sospechoso.  Tabata despues ku wardadó di prezu a haña un bon informashon ku den un sel den blòk 8 mester tin un arma di kandela skondí a bai hasi un kontròl. Durante ku a listra den e sel enbèrdat a bin haña un arma di kandela kual mesora a keda konfiská.  E dia ei a pidi asistensia di tantu reshèrshi tékniko komo táktiko pa kontinuá ku e investigashon i tambe a entrega nan e arma di kandela. Den e sel tin dos detenido ta biba i mesora nan a ser apuntá komo sospechoso pa violashon di e lei di arma di kandela.

Djárason 15 di mei 2019, alrededor di 09.40 or di mainta, personal di Divishon di Krímen Organisá riba òrdu di Fiskal di Ministerio Públiko, a detené dos presu den Sentro di Detenshon i Korekshon Kòrsou. Ta trata di e sospechosonan, R.R.N.M. di 27 aña i G.E.S. di 29 aña di edat, ámbos nasé na Kòrsou.

A presentá ámbos sospechoso dilanti di un Fiskal Ouksiliar i nan a keda enkarselá den Sentro di Detenshon i Korekshon Kòrsou.

Investigashon den e kaso aki ta kontinuá.