Por spar 2 bion riba kuido di diabetis

57
40% di pashentnan ku diabetis tipo 2 por biba sin remedi
DEN HAAG—Gabinete por spar 2 bion tur aña na kuido di diabetis segun un grupo di profesornan, spesialistanan i ekspertonan.

Den un dokumento nan ta bisa ku kasi 40% di pashetnan ku diabetis tipo 2 por biba sin remedi despues di kambio di estilo di bida. Na Hulanda 1 mion hende tin diabetis 2. For di prome resultadonan di e programa di salu ‘Keer Diabetis 2 Om’ a resulta ku pashèntnan por skapa di hopi di nan malesa di suku si nan kambia estilo di bida. Ta trata di kambionan den kuminda, moveshon, drumi i relahashon. Asina nan por kome menos hidrato, ku tin den pan, batata i pasta. Apesar di e eksito mediko finansiero i inklushon di e programa den pakete di seguro, e inisiativanan aki ta alkansá solamente un parti chiki di populashon segun e ekspertonan. Aktualmente tin 9 mion euro disponibel pa 3,5 mion pashènt. Nan kier pa funshonarionan di minsiterio di Salubridat drenta den akshon i pone mas plaka disponibel pa tur pashènt nobo den Hulanda. Sekretario di estado Blokhuis a bisa ku tin hopi ta sosode pa stimula kambio di bida i prevení diabetis. E ta dispuesto pa papia p’asina hende tin mihó kalidat di bida.