Hòmber ku tabata ser buská pa ladronisia di outo arestá den Saliña

151
E kas ku tabata ser habitá pa e sospechoso unda a bin haña e piesanan di outo hòrtá.
Willemstad—- Polisnan atento a logra di detené un hòmber  ku tabata ser buska pa ladronisia di vehíkulo i òf enkubrimentu di piesanan prosedente di ladronisia.

Djasabra 18 di mei 2019 alrededor di 05.00’or di mardugá, un unidat di mantenshon di òrdu públiko, a detené un hòmber na altura di un establesimentu di dibertishon di Saliña.

E sospechoso aki, e hòmber R.A.S. nase na Kòrsou di 30 aña di edat, pa kende tabatin un òrdu di detenshon, ta sospecha di ta envolví den un kaso di ladronisia di outo algun siman pasá na un adrès na Alablancaweg.

A present’é dilanti di un fiskal ouksiliar ku a ordená su enkarselamentu pendiente di mas investigashon.