Ivanny Calvenhoven ku gol pa Dominguitu gana Undeba

93
Akshon durante di e wega ku Centro Dominguitu a gana di Undeba.
WILLEMSTAD—Ivanny ‘Nicho’ Calvenhoven a anotá for di na di 6 minüt di e parti inisial, pa asina Centro Dominguitu por a logra triunfo ayera riba e ekipo di Undeba. Esaki den kontinuashon di e playoff Kaya 6 di e promé divishon di futbòl FFK, den partido ku a hunga na Kintjan.

Rèfri Edsel Dimie, ku otro tremendo aktuashon, a dirigí den e enkuentro di ayera tardi. Despues di a kue bentaha for di trempan di e wega, Centro Dominguitu a krea diferente otro oportunidat mas pa por a oumentá nan bentaha, pero no ta logra anotá.

Miéntras ku den e parti final di wega, tabata Undeba ku a poderá di e akshonnan riba tereno di wega, pero no ta logra yega na anotashon i asina e partido ta finalisá den un viktoria mínimo pa e ekipo di Dominguitu.

Tur esaki den partido ku e ekiponan a inisiá e seri, unda ku tur ekipo lo hunga nan di 2 wega di e buèlta di 6 aki.