Nicolas Rocha Gomez ku 2 bunita gol pa Scherpenheuvel gana Vesta

91
Akshon den wega entre Scherpenheuvel i Vesta.

WILLEMSTAD—E último 2 ekiponan ku a klasifiká pa playoff Kaya 6 a mira akshon ayera. Esaki den partido ku a hunga den Stadion Antoine Maduro na Kintjan, ku a keda dirigí pa rèfri Edsel Dimie. Rèfri Dimie, a konta ku asistensia di Pablo de Avila i Ryan Goedgedrag, miéntras ku Juniel ‘Araña’ Adelina tabata e di kuater ofisial di e wega.

Tabata partido unda Scherpenheuvel a logra triunfo, derotando e ekipo di Sta Maria i bisindario, Vesta ku skor di 2-1. E wega aki a sosegá ku Scherpenheuvel, dirigí pa Kenneth ‘Bob’ Bernabela den bentaha di 2-0, despues ku Nicolas Rocha Gomez a anotá 2 bunita gol na minütnan 9 i 44 di partido.

Seguidamente tabata faltando 5 minüt pa final, ku Othmar Inecia, kende resientemente tabata ku nos selekshon U17 na Tampa, ku ta anotá pa deskontá i salba honor pa Vesta. Un ke otro despues ku apénas tékniko Henry Caldera a kaba di mand’é den wega.