Serginni Marten ku 2 medaya di Oro den natashon na Hulanda

208
Serginni ku su 2 medayanan optene.
WILLEMSTAD—E landadó Yu di Kòrsou, Serginni Marten ta sigui destaká internashonalmente. Durante di e fin di siman ku ta tras di lomba e la inisiá su partisipashon na e kompetensia di natashon “Gelderse Kampioenschappen’, na Nijmegen Hulanda. Ta trata aki di kompetensia ku tin durashon di 2 fin di siman, kual a inisiá djasabra i sigui ayera, pa kontinuá djasabra i djadumingu próksimo.

Tabata for di riba e promé fecha ku Serginni a laga tende di dje, logrando 2 medaya di Oro.

Serginni a logra esaki riba 200 meter pechu i tambe komo parti di e ekipo di relevo den 4 x 100 meter liber, unda e tabata e segundo landadó di su ekipo De Waterkip di Barneveld.

Durante di e fin di siman benidero, riba djasabra dia 25, e YDK lo ta parti di e ekipo di relevo, den representashon di su organisashon, den kompetensia riba 4 x 100 meter miksto. Tam,be lo e ta den e kompetensianan riba distansia di 100 meter  pechu i 50 meter barbulètè. Miéntras ku lo e ta den akshon riba e fecha final di e evento, djadumingu próksimo dia 26 mei 2019, kompetiendo riba distansia di 50 meter, estilo pechu.

Pues despues di un tremendo inisio, un i tur pendiente pa mas di Serginni Marten, pa e wikènt benidero.