Chensz i Adjatay ta hasi nan debut riba mes un dia

219
Otro siman e ta hasi su debut ofisial den GIO.

WILLEMSTAD,—-‘E Mulina’, a bin ta tuma nota ku otro siman djarason ku ta dia 29 di mei dos kantante popular ta bai hasi nan debut riba e mes un fecha. Ta trata aki di Chemsz ku ta hasi su debut den agrupashon musikal GIO i Adjatay ku ta hasi su debut den agrupashon musikal “ONE”.

Otro kos tambe ku a hala nos atenshon ta e echo ku ámbos kantante den pasado tabata forma parti di Orkesta Vega, por sierto mester bisa ku ya e banda Orkesra Vega a pasa pa historia. ‘E Mulina’, a bai hasi su investigashon i nos a bin haña sa ku ta pa promé biaha den nos di farándula ku dos kantante popular ta hasi nan debut riba mes un fecha anto den dos agrupashon musikal diferente.

Nos a bai buska mas informashon pa asina nos sa ta di kon ámbos debut a kai riba e mes un fecha, pero te den ora nan di ayera nochi nos no a logra di haña e kontesta. Pero si mester bisa ku e debut di e dos kantante nan aki anto pa kolmo riba mes un dia ta halando bastante atenshon den kaya.