Den “Un Kanto Pa Kòrsou” komo kantante kompositor i areglista

528
E tin plan nan hopi serio pa gana e dicho festival.

WILLEMSTAD,—-Ya na algun okashon ‘E Mulina’, a bisa ku e aña aki e interes pa partisipá den e festival “Un Kanto Pa Kòrsou” ta hopi pero hopi haltu, ya ta konosí ku pa promé biaha den historia di e dicho festival ku esaki ta bai un buèlta so i tambe ta bin aserka ku pa promé bes 21 kantante ta bai partisipá den e festival ariba menshoná ku ta tuma lugá dia 8 di yüni 2019.

Mas informashon ku nos ta disponé di dje ta bisa ku e legendario kantante kompositor i areglista Ike Jesurun tambe ta partisipá den e festival,pero e biaha aki komo kantante. Aparte di su partisipashon komo kantante Ike Jesurun tin dos komposishon mas ku tambe ta partisipá den e festival ariba menshoná.

Esaki ta nifiká ku Ike ta kana ku e idea di hera michi kue meme, esaki ta un dicho di nos grandi nan. E dos kantante nan ta bai partisipá ku komposishon di Ike ta Nolba Boekhouder i Dorothy Eleonora. Pues sigur Ike Jesurun tin su man nan yen e dia nan aki, paso sigur e ke bolbe pone e dicho festival riba su nòmber despues di basta aña.