A kuminsá mira adelanto den aktitut prezu ku tin bida largu

3133
WILLEMSTAD,—- Regis Djaoen kende ta sintando un kastigu di bida largu ta pendiente pa HOF trata su petishon, despues ku el a hasi 20 aña ta sinta kastigu i por pidi klemensia. Esaki despues ku 20 aña pasá el a kita bida di un bewaker segun wesnan.

Tabata riba dia di san valentino na aña 1999 ku mester a kita e víktima su bida ku su propio arma di kandela na pòmp di gasolin Gasora. Segun indikashon riba e dia en kuestion ta algun testigu mester a mira e hòmber Djaoen komo un di esnan ku a kita bida di víktima, unda a trese dilanti ku ta a base di esaki a kastigá e akusado.

Tabata na aña 2011 ku a kambia lei unda detenidonan ku a haña kastigu di bida largu por pidi klemensia ora nan kaba di sinta 20 aña di prizòn, pa asina wak si nan por drenta nos komunidat bèk. Segun Ministerio Públiko e hòmber Djaoen mester pasa den un trayekto di resosialisashon pa asina wak ku e por drenta nos komunidat bèk.

Segun OM ya a nota ku tabatin adelanto i ku e chèns tei ku e detenido Djaoen lo por bai drenta nos komunidat bèk pronto. Djaweps Regis lo ta dilanti wesnan pa wak kon tur kos a kana te ku awor i kon grandi òf chikí su chèns ta.