Temblor di magnitut 3.4 na Groningen ayera

312
mas ku 400 keho di daño despues temblor Groningen
GRONINGEN—Mas di 400 keho ta loke e komishon temporal di daño a haña despues di e temblor di magnitut 3.4 na Groningen ayera.

Tambe tabatin 90 melding di situashonnan peligroso. Normal sa registrá 30 keho pero awor e ta 234, ku ta prinsipalmente skurnan den muraya. E komishon a buska èkstra personal pa atende ku kehonan. Hopi habitante di Groningen por a sinti e temblor den oranan di mainta ayera. Ekspertonan ta hasi inspekshon na dijk, haf pa daño adishonal. E temblor tabata mas fuerte den area di Westerwijtwerd, 18 kilometer na nortost di Groningen. E kompania di petroli NAM ta hasiendo un analisis di e temblor konforme e protokol. Den provinsia di Groningen a registrá mas di mil temblor for di a`nanan 90. Algun leve, otronan hopi fuerte. Den 2018 tabatin un temblor ku mesun intensidat na Zeerijp. Despues medidanan rondó di redukshon di produkshon di gas a aselerá. Gabinete a mèldu algun luna despues ku lo stop produkshon di gas den 2030 i baha esaki poulatinamente for di awor.