207
Fiskal ku ta na enkargo di e kaso.
WILLEMSTAD,— Korte mester a trata un kaso ayera unda e hòmber Jose D. a presentá mirando ku ta sospech’é di a violá 2 menor, ku tabata su yu nan di kriansa segun Ministerio Públiko.

Ta trata aki di un kaso basta serio unda mama di e víktima nan tabata tei presente pa asina presensiá e kaso, unda a disidí ku lo skuch’é komo testigu.E sospechoso tabata tei ku su abogado unda el a skucha ku lo no sigui ku e kaso mirando ku tin algun informashon nobo den e kaso. Esaki despues ku abogado di e sospechoso lo mester a haña algun kombersashon, ku lo ta na fabor di Jose.

A haña algun kombersashon entre e mama di e víktimanan i su prima unda e ta bisa ku ku e la hasi e kos aki pa represaya. Segun e defensa ku esaki sigur lo ta na nan   fabor mirando ku esaki por ta e motibu dikon Jose ta será. Segun abogado mr. Prevo ku e mama di e víktimanan por keda persiguí pa denunsia falsu si wak e kombersashon.

Fiskal di otro banda a trese dilanti ku a bai hasi investigashon unda a bin nota ku por manipulá e kombersashon di Whats App i ku mester skucha mama di e víktimanan komo testigu, pa wak si e ta rekonosé e manera di skibi. Tambe a bin dilanti ku mester puntra e dama ku ta bèrdat e tabatin e kombersashon ei ku su prima.

Loke sigur a hala atenshon ta e echo ku e dama a bisa ku tin gran parti di e kombersashon ku ta manipulá unda el a bisa ku nunka lo e no bisa algu asina di su yu. Mas aleu el a splika ku e tin kontakto telefóniko ku su yu nan, miéntras tambe el a bisa di ta biba aktualmente na St Maarten. A puntra e dama ku kon bin e ta rekonosé e kombersashon ku si ta kuadra tabata ku su prima, unda el a bisa ku ta su prima ta e úniko persona ku ta bin puntra tokante di e kaso.

A bin dilanti ku e kombersashon entre mama di e víktima nan i su prima, tabata bisa ku esaki ta un represaya kontra di e sospechoso, miéntras e dama ta ninga ku e tabatin e kombersashon ei. A bin dilanti ku lo bai buska informashonnan di e telefòn ku sigur lo ta importante pa sa si en bèrdat e dama lo mester tabatin e kombersashon ei ku su prima.

E dama mama di e víktimanan a bisa ku e ta bibando na St Maarten i ku e tin un number di St Maarten aktualmente. Segun e dama ku el a asta haña yamada di e sospechoso riba un number di e provedor Digicel. Wes mr. Edelenbos a trese dilanti ku mirando e buèlta nobo ku e kaso a kue  mester posponé esaki pa wak ta ken ta papia bèrdat.

Tabata den e luna aki ta pa mas eksakto 8 di mei ku e abogado a bai Ministerio Públiko ku e kombersashonnan unda el a bisa ku mester laga su kliente bai kas riba e kaso i sera mama di e víktimanan pa denunsia falsu. Ayera e sospechoso a bisa ku e no a mishi ku e yu nan i ku e mama di e víktimanan a hasi e kos aki pa ser’é mirando ku e ta opseshoná kuné.