‘Bos a presentá direpente na mi kas sin mi tabatin un sita kuné’

607
Abogado Peterson ku su kliente Cijntje.
WILLEMSTAD,– Despues ku defensa di RDK a trese nan pleitu dilanti Gilbert Cijntje a deklará un ke otro tokante e akusashon ku tin kontra di dje i e motibu dikon a pidi su retiro.

Gilbert Cijntje durante e huisio sumario a trese dilanti ku nunka e no tabatin kontakto ku Colas Bos primeramente. El a bisa ku su yu a hasi 10 aña unda el a invitá tur kolega ku tin un yu chikí pero no a invitá Bos mirando ku e no tabatin niun komunikashon kuné. Mas aleu el a trese dilanti ku ta durante e un presentashon ku lo mester tabatin, el a bin sa ken ta Bos. Segun Cijntje ku nunka el a traha un sita ku bos. El a bisa ku Bos lo mester a presentá na su kas direpente sin a palabra algu kuné. Bos ta esun ku lo mester a bai deklará ku e grupo lo tin un plan, ku lo benefisiá nan. Cijntje a deklará den korte ku e tin su orguyo i ku e no ta hende ku ta pidi niun hende plaka. El a splika mas aleu ku ta imposibel i ku no ta lógiko ku e tabata den plan ku ta akus’é di dje.

Tambe el a trese dilanti ku el a bai hasi algun investigashon pa sa Bos su pasado i ken e ta en bèrdat pero no a haña nada. El a bisa ku direktor RDK tabata kier pa buska pa sa pasado di  provedor i ku e tabata esun enkargá ku esaki.

E defensa di Cijntje a trese dilanti ku a asta bai prensa unda sin niun prueba a benta nòmber di 3 persona, indikando ku nan a keda retirá. El a bisa ku ta trata aki di presidente hunta komisario kende ta Gilbert Martina, ku lo mester a bai 2 media di prensa kual un di nan a konfirmá ku e ta esun ku a lèk e informashon aki.

Loke sigur a hala atenshon ta e echo ku 23 di yanüari esta 2 dia promé ku Cijntje a hasi retiro, ya un medio di prensa a trese esaki dilanti unda a bisa ku Martina lo mester a konfirmá e notisia aki pa nan.