Oumento kasonan korupshon empleadonan públiko

435
mas kasonan di froude den gobièrnu
DEN HAAG—E kantidat di kasonan di korupshon òf investigashonnan riba empleadonan publiko ku a violá sekresia profeshonal a oumentá drastikamente.

Reshershi a kondusí 65 investigashonnan, ku ta kasi 50% mas ku den 2017 segun relato di OM. Segun Ministerio Publiko ta trata di kasonan fuerte i kompleho kaminda empleadonan tabatin kontakto ku krimen organisá. E investigashonnan ta intensivo, hopi risiko i ta kosta plaka i hopi kapasidat i ekspertisio. Un di e kasonan di korupshon mas remarkabel di último añanan tabata di e polis korupto mark M di Weert. E tabata bende informashon di sistemanan di polis regularmente na kriminalnan. Februari 2018 M a keda kondená na 5 aña kastigu. Reshershi di reino ta un instituto independiente ku ta investigá  kasonan penal den gobièrnu, aña pasa un rekort di 139 investigashon. No tabata trata solamente kasonan di korupshon pero tambe kasonan di froude, falsifikashon di dokumento i tiroteonan kaminda empleadonan tabata envolví, manera polisnan. Mas aleu e relato di OM ta mustra ku e kantidat di infrakshonnan den tráfiko a oumentá, manera stur bou di influensia. OM ta konkluí ku kriminalidat a bira mas kruel i ku violensia den baho mundu a oumentá.