Aksidente frontal entre dos SUV riba Rooseveltweg

2323
Willemstad— Polis ta investigando entre di dos vershon pa asina determiná kiko por a kousa e aksidente frontal entre di dos SUV vehíkulo riba Rooseveltweg.

Un di e vershon ta ku un di e shofùrnan a bira malu tras di e stür miéntras e otro vershon ta debí na ekseso di velosidat. Ayera den oranan di mainta a surgi un aksidente basta serio entre di dos SUV riba Rooseveltweg un tiki mas pabou ku e krusada di Seru Fortunaweg.

Tabata trata di un choke basta serio na unda no ménos ku tres persona adulto a sufri leshon miéntras den e vehíkulonan tabatin sigur dos menor di edat ku a keda basta spanta ku e situashon. Mesora a kuminsá hasi e trámitenan pa transportá esnan leshoná  pa poli pa haña atenshon médiko miéntras tambe a bai Poli tambe  ku e menornan di edat pa asina nan por wòrdu opservá. Forensys huntu ku Polis di tráfiko a keda enkargá ku e aksidente.