Problema entre famia ta finalisá ku outo destruí

5185
Willemstad— Polis mester a bai Vuurlandweg pa un kaso di destrukshon.

Djadumingu den oranan di mainta a pidi asistensia di Polis na un kas den Vuurlandweg pa un problema familiar ku tabata saliendo for di man unda asta un vehíkulo a wòrdu destruí. Polis a bai na e adrès unda a bin tuma nota di un outo ku vários daño material. A bin komprondé ku ta trata di un hóben ku tabata envolví den e problema mester a bula subi riba e outo i a kuminsá bula esaki kousando daño na e tapa di mashin i tambe e winshil. Polis a intermediá den e problema na unda a mustra ku ta yega na un solushon i lo kubri e gastu nan hasi na e outo.