Vehíkulo usá durante dos atrako sendé na kandela

Riba e vèlt na Veeris

4304
Willemstad— Djabièrnè den oranan lat di anochi Polis  i tambe personal di Brantwer mester a bai riba e vèlt na Veeris  ku ta keda riba e kaminda di Helmin Wiels un tiki mas promé ku yega na e rotònde na Parasasa, pa un vehíkulo ku tabata na kandela.

Djabièrnè pa bai bira djasabra mardugá a pidi asistensia di polis i tambe pagadónan di kandela pa un vehíkulo ku tabata na kandela riba e vèlt di Veeris.  Einan polis a bin topa ku un vehíkulo di e marka Kia  Rio Kolo shinishi ku tabata kompletamente na kandela. For di investigashon a bin saka afó ku ta trata di e vehíkulo ku a ser usa durante huida na dos kaso di atrako riba Cubaweg.

Tabata djaweps último ku tres hòmber kompletamente kubri di kual asta unu di nan tabatin un chaleko kontra bala bisti i ku arma sumamente potente den su man a kana drenta den dos minimarket riba Cubaweg na unda a menasa tur hende pa asina por a bai ku plaka i tambe boternan di bebida. Brantwer a logra di dominá e kandela miéntras a pidi pa e doño pasa na e sitio pa asina por a kue su vehíkulo despues ku polis kaba di hasi investigashon na esaki.