Embahada Union Oropeo di hack na Mosku

86
spionahe ruso den Union Oropeo
DEN HAAG—Embahada di Union Oropeo na Mosku a keda di hack den 2017 segun BuzzFeed a base di dokumentonan di departamento di asuntunan eksterior EU.

Den aprel 2019 a deskubrí e spionahe, algun siman prome ku elekshonnan oropeo. No ta konosí kua informashon a interseptá ni unda nan a haña akseso. E departamento ta papia di spionahe sibernetiko avansá segun dokumentonan konfidensial. Un Fuente anónimo ta bisa ku e rusonan ta tras di e spionahe. Departamento EEAS a konfirmá na BuzzFeed ku tabatin spionahe. Den dos ofisina den capital di Rusia informashon riba dos kompiuter a disparse. Tin señalnan di sistemanan di alta sekresia konekta na network di delegashon di Union Oropeo na Rusia. A tuma medidanan i e investigashon ta kontinuá segun un bosero. Algun siman prome ku elekshonnan oropeo Union Oropeo a tuma medidanan kontra atakenan sibernetiko. Tambe tabatin un plan di akshon pa kombatí mal-informashon i intervenshon di eksterior den kampañanan elektoral.