Shòfurnan di Bus Taxi i Heavy Equipment a bai Curoil

134
Shofùrnan di bus, shofùrnan di taksi i esnan di ekiponan pisá ayera a bai Curoil pa asina informá tokante di e subida di preis di gasolin i diesel.
Willemstad,– Shofùrnan di bus chikí a bai Curoil mirando e echo ku segun señor Vrutal presidente di SINUSTA, Cuoil huntu ku BTP ta bai di akuerdo pa subi preis di gasolin i diesel, Segun señor Vrutal nan ta bai Curoil, paso Curoil ta di pueblo i despues ku nan bai Curoil, nan lo sigui pa e otro instansianan ku tambe ta metí den oumento di gasolin i diesel.
Basta rabia e grupo tabata ayera i nan a bisa ku te ainda nan ta pasivo, pero ku nan no sa kuantu mas nan lo wanta. Djis wak e pankartanan.

E sindikato SINUSTA a bai Curoil pa mustra e loke nan ta kere ta hustu i tambe pa Curoil mustra ta kon nan ta yega na e oumento ku nan a presentá último. Segun señor Koeiman di Heavy Equipment despues di Curoil nan lo sigui pa BTP i tambe nan lo bai parlamento.

Segun Koeiman tin kosnan straño ta pasando, un tempu nan ta bisa ku di kada florin 63 sèn tabata bai pa Antias, na 2010 Antia no tei mas, unda e 63 sèn ta bai. Señor Koeiman ta bisa ku si na 2010 krudo tabata 160 dòler pa bari ku tabata esun di mas haltu den historia, kon por ta ku awor aki e preis di gasolin i diesel ta kosta meskos ku tempu tabata 160 dòler pa bari, siendo awor aki ta 53 dòler pa bari.