16 aña pa seri di atrako

99
banda di kastigu tambe mester paga daño perhuisio (27.000 euro)
ALMELO—Un hòmber di 23 aña di Enschede a keda sentensiá na 16 aña di kastigu pa un seri di atrako den korte na Almelo.

E hòmber ta kulpabel di 4 atrako armá kaminda e i otro sospechosonan a usa violenisa. Ta trata di un atrako den un kas na Overdinkel i Ambt Delden, un supermerkado na Enschede i un pomp di gasoline na Alstatte, Alemania. Dos otro hòmber a keda kondená na kastigunan di 3 ku 5 aña pa nan ròl den e atrakonan. Momcilo J (23) huntu ku dos otro sospechoso a tira trako den kasnan di grandinan na Ambt Delden den 2015 i Overdinkel (2016). E atrakadonan tabata bastante violento kontra e víktimanan hende grandi. Asina nan a mara nan na man ku pia ku tape i pone arma kandela na kabes di un dam bastante ansiana na Ambt i purba ranka renchi ku violensia for di su dede. E hòmber na Overdinkel a keda maltratá ku skòp rònt su kurpa. E atrakonan riba e pomp gasolin na Alemania den 2016 i supermerkado na Enschede den 2015 tambe tabata ku hopi violensia. A menas atrahadonan ku arma i kuchú i tambe a tape nan. Ku arma den garganta a eksihí plaka. Pa korto tempu a sekuestrá e trahadonan di e supermerkado na Enschede. Korte a kondena Momcilo J (23) na e kastigu máksimo. Pa e gravedat di hechonan, plan kalkulá i intenshonal kon a skohe e víktimanan hende grandi no a mira motibu pa un kastigu mas abou. Tambe e mester paga un daño perhuisio di 21.000 euro. Bojan J (21) a haña kastigu 3 aña pa su envolvimentu den e atrako armá na Alstate. E mester paga daño perhuisio di 6300 euro. Abdel H (22) ta haña kastigu 5 aña pa su envolvimentu den e atrako armá riba e supermerkado na Enschede. Apesar ku e tempu ei e tabata menor di edat, korte a apliká kastigu pa adulto. E hòmber (23) di Enschede sospechá di komplisidat den atrako riba e supermerkado na Enschede a keda apsolvé.