Argentina ta prohibí entrada di 426 funshonario di e gobièrnu di Maduro

66
Ta trata aki di un grupo di mas di 400 persona ligá ku e gobièrnu di Maduro.

BUENOS AIRES – E gobièrnu di Argentina a anunsiá den oranan di ayera ku te ainda ta un total di 426 persona ‘kua ta sumamente vinkulá’ ku e gobernante venezolano, Nicolas Maduro, ta kende ta prohibí ingreso na e pais. Ta trata aki di entre otro funshonarionan i integrantenan di Asamblea Nashonal Konstituyente Chavista.

Den un komunikado, a indiká ku e medidanan adoptá kontra régimen ilegítimo di Maduro, ta debí na e disposishonnan ku e Grupo di Lima a akordá ku su paisnan miembro despues di 10 di yanüari último. Esaki na momentu ku e inisiá ku un mandato nobo di Maduro, fruta di elekshonnan froudulento.

Ademas, a suspendé aplikashonnan di akuerdo entre Argentina i Venezuela pa supreshon di personanan ku bisa i pasportnan diplomátiko, ofisial i di servisio.

Tambe a emití alerta nan di entidatnan bankario i finansiero relashoná ku rísikonan di operá ku e gobièrnu di Venezuela òf ku empresanan ku ta propiedat òf ta bou di kontròl di e estado venezolano. Tambe a suspendé tur koperashon militar ku e régimen chavista.

Esaki nan a indiká ku e medidanan aki a keda implementá ku e ophetivo di proporshoná demokrasia bèk na Venezuela, pues esaki a keda fuertemente afektá dor di e vínkulonan ku e régimen diktatorial di Maduro.

Den e teksto aki a indiká ademas ku e desishonnan aki no ta afektá e pueblo venezolano, kende Argentina ta bolbe ratifiká su solidaridat i respaldo pa ku nan lucha pa libertat i rèspèt pa derechinan humano.