Ataniro hamas lo stòp di sorprendé amigu i enemigu ku su músika

969
No hasi wega ku e piesa nobo di AtaNiro i Adje

WILLEMSTAD,—-Despues di e éksito inmenso ku e kansion “Te Paden” a i te ainda ta kosechando, AtaNiro a disidí di tim up un biaha mas ku Getamilli i huntu nan ta manda otro bòm kaya, ku ta karga di titulo “Bati’e ku logro”

AtaNiro ta e legendario kantante artista  den género URBAN SCENE tei bèk ku un kansion nobo. E kansion promoshonal nobo indudablemente ta un club banger, i e ta titulá “Bati’e ku logro”. E ta konta ku un featuring di Adje, kual ta un artista  ku tin un nòmber grandi den e scene Urbano na  Hulanda.

Tema di e kansion tin  un toke serio kuné , e ta papia di kon tin biaha hende nan ta buska manera di kibrabu ku negativismo. I ku e mihó manera pa dil ku esaki ta dor di BATI NAN KU LOGRO, esaki sin duda ta e manera mas fásil pa laga hende keda ku nan boka habri.

E kansion aki ta produsí pa Getamilli, ku ta un producer sigur ku basta hit bou di su nòmber. I ya kaba bo por solisitá na bo radio preferí. E videoclip di e kansion aki tambe a ser lansa ayera riba youtube. E kombinashon entre AtaNiro i Getamilli ta primintí di bira hopi ferfelu den futuro,E kansion nobo aki ta algu ku abo komo bon skuchadó di músika Urbano no por keda sin skucha, esaki ta nifiká ku for di awe bo por yama bo radio emisora preferí i pidi pa e piesa nobo di e legendario kantante AtaNiro ku ta hiba di titulo “Bati’e ku logro.