Classic XD otro siman ta manda dos piesa nobo kaya

203
Otro siman su piesa nobo ta bai kuminsá zona na diferente radio emisora.

WILLEMSTAD,—-Den e luna aki tur agrupashon musikal ta bai manda piesa nobo kaya, esaki ta pa hasi nan di dos parti di aña den farándula mas fuerte. Ayera ‘E Mulina’, a haña informashon ku mas tarda or siman djabièrnè agrupashon musikal Classic XD ta bai manda den un tiru dos piesa nobo kaya.

Ta trata aki di piesa nobo di nan dos kantante nan ku ta Ash i Ponche. ‘E Mulina’, tin informashon ku pa motibu di salu di Ash i algun kos chikí ku mester kaba kuné den e piesa di Ponche a pone ku nan a tarda pa saka e dos piesa nan ku normal mente mester a sali e siman aki.

Pero fanátiko nan di agrupashon musikal Classic XD i tambe fanátiko nan di bon músika den ámbito di Kòmbèk por ta trankil paso, paso pa otro siman djabièrnè ámbos piesa nobo di Classic ta bai kuminsá zona na diferente radio emisora lokal. Kòrda ku ya e banda tin un hit duru pega na e momentu nan aki den bos di e kantante Angelo Libinia ku ta e piesa “Ma frei bo, ba basilá ku mi”.